UWAK

May isang Uwak na nakatira sa gubat
at masaya siyang namumuhay doon

Isang araw nakakita siya ng Swan
at siya'y humanga , sa loob loob niya
" Ang ganda naman ng Swan na ito 
ang puti puti ng balahibo samantalang ako
ang itim "

Lumapit siya sa Swan at sinabi niya
" Swan ang saya saya mo siguro kasi
ang ganda ng balahibo mo ,ang puti puti "

Ang sagot ng Swan , " Oo nga pero tingin ko
mas masaya si Parrot kasi ang kulay ng balahibo niya
dalawa , ako isa lang "

Isang araw pinuntahan ni Uwak si Parrot at ang
sabi niya " Parrot totoo pala na maganda ang balahibo mo
dalawa ang kulay , green at white ,siguro ikaw na ang pinaka
masayang ibon . "

Ang sagot ni Parrot " Oo nga pero sa tingin ko mas masaya si
Peacock ,kasi ang dami dami ng kulay ng kanyang balahibo "

Isang araw pinuntahan naman ni Uwak si Peacock
nakita niya ang dami daming tao na nanonood sa kanya
may kumukuha pa ng litrato at hangang hanga sila.

Nang wala na ang mga tao ,nilapitan ni Uwak si Peacock
at ang sabi niya " Peacock ,grabee ! ang ganda ganda mo
pala talaga ,ang balahibo mo ang dami daming kulay , 
Ikaw na siguro ang  pinaka masayang ibon sa mundo "

Ang sagot ni Peacock " Alam o Uwak akala ng iba
dahil sa kagandahan ko akala nila totoong masaya ako
pero hindi nila alam ,dahil sa kagandahan ko 
nanatili naman akong nakakulong dito "

Dugtong pa ni Peacock " Uwak mas naiinggit ako sa iyo
kasi kahit hindi ka naman maganda pero malaya ka " 

Aral :

Mas mabuti na yung kahit hindi ka maganda sa paningin 
ng mga tao pero totoong masaya ka , kaysa naman lahat ng
bagay ay nasa iyo na pero hindi ka naman totoong maligaya.

PINTOR

Sa isang kaharian ay may hari na bulag ang isang mata
at putol ang isang binti.

Tinawagan niya ang lahat ng magagaling at mahuhusay na pintor
para siya ay ipinta . subalit dapat na maganda ang gagawing pagpinta sa kanya.

Subali't marami sa mga pintor ang napakamot sa ulo , napa ismid , 
napanganga ,napailing , napayuko dahil parang mahirap yung hinihiling 
ng hari na ipinta siya na maganda.

Paano nga naman ipipinta ng maganda ang bulag ang isang mata at putol ang isang paa.

Subalit may isang pintor sa karamihan ang pumayag na ipinta niya ang hari na isang magandang larawan. sabi niya :

" Mahal na hari huwag po kayong mag-alala, maipipinta ko po kayo ng isang magandang larawan "

Nang marinig ito ng karamihan sila ay lihim na nagtawa at nagbulung bulungan na sinasabi :

" Ang lakas naman ng loob ng pintor na ito , sigurado mapapahiya lamang siya "

Lumipas ang ilang araw natapos ng pintor ang kanyang ginawang pinta
at ito ay dinala niya sa hari na nakabalot pa ng papel 

Maraming tao ang naroon dahil gusto rin  nilang makita ang ginawang pinta ng
pintor , naroon din ang ibang mga pintor para makita ang larawan.

Nang inalis  ng pintor ang papel na nakatakip sa larawan at ipinakita ito sa hari
Ang hari ay natuwa at humanga at ganun din ang paghanga ng mga tao roon

Bumungad sa kanila ang ganitong larawan :

Ang hari ay nasa gubat at naka suot ng pang hunting ( hunting attire )
nakapikit ang isang mata na may hawak na pana at may inaasinta
na ang isang paa ay nakaluhod.

Aral :

nakikita man ng tao ang iyong kapintasan at kahinaan
subali't ang hindi nila alam ikaw ay may tinatagong
kagandahan at kabutihan..

To God be the Glory

MATA

Isang babae ang kinamumuhian niya ang kanyang sarili dahil sa siya ay bulag.

Galit siya sa lahat ng tao maliban sa kanyang kasintahang lalaki dahil
labis ang pagmamahal sa kanya nito at pag-aaruga.

Sabi niya sa kasintahan niya ,

" Alam mo , kung makikita ko lang ang mundo pakakasalan kita "

Isang araw may nagmagandang loob na mag donate ng mata sa babae
at sinimulan siyang maoperahan at ito'y naging matagumpay.

Labis ang kaligayahan ng babae dahil sa wakas nakita na rin niya
ang ganda ng mundo at ng kanyang kapaligiran ,maliban na lamang
sa kanyang kasintahan.

Isang araw dumalaw ang lalaki sa kanyang kasintahan para
kamustahin ang kalagayan at ang resulta ng operasyon
at sobrang saya niya dahil naging matagumpay naman ang operasyon.

Ang tanong ng lalaki :

" Mahal ngayong nakakakita ka na maari na ba tayong
magpakasal ? "

Subalit ang babae ay tumanggi dahil hindi niya akalain na ang
kasintahan niya ay bulag din pala.

Ang lalaki ay umalis na lumuluha at dala dala ang sakit ng kanyang kalooban.

Ilang araw ang lumipas may dumating na sulat para sa babae at itoy
galing sa kanyang kasintahang lalaki at ganito ang nakasulat .

" Alam mong labis ang pagmamahal ko sa iyo , subali't wala akong magagawa 
kung hindi mo matanggap ang kalagayan ko , ito lang ang hiling ko sa iyo , 
ingatan mo sana ang mga mata ko na ibinigay ko sa iyo "

Aral :

Matuto tayong magpahalaga sa mga taong
nagpahalaga at nagmalasakit sa atin..

Glory to God.

GISING

Sa plaza ay may lalaking naglagay ng munting sound system ,
isinaksak ang mic at nagsimulang mangaral sa mga taong naroon na namamasyal ,
ang iba nakaupo , ang iba palakd lakad.

Nangaral siya tungkol kay Cristo bilang tagapagligtas
at kahalagahan ng pananalig kay Cristo
ang iba nakikinig ,ang iba nag oobserba lang ang iba walang pakialam.

Sa gitna ng kanyang pangangaral , may isang lalaki sa karamihan
ang biglang sumigaw at binulyawan ang lalaking nangangaral at kanyang sinabi

" Hoy pwede bang tumigil ka na sa pangangaral mo , gumising ka na , nananaginip ka lang ,kalokohan lang yang ginagawa mo ! "

maya maya isang batang babae na ang eded ay nasa walong taon
ang lumapit doon sa lalaking nambubulyaw at sabi ng bata

" Manong maari po ba akong makiusap sa inyo ? 

Bakit iha ? tanong ng mama

sagot ng bata ,

" Tatay ko po ang nangangaral na iyan , kung sinasabi po ninyo 
na dapat po siyang gumising dahil nananaginip lang po siya , 
pakiusap ko po , huwag na po ninyo siyang gisingin "

ang sabi ng lalaki sa bata " Ha bakit iha ? 

sagot ng bata " Kasi po dati po siyang malupit sa akin at sa aming magkakapatid , 
ganun din sa aking nanay , pero dahil po kay Jesus nagbago na po siya , 
Kaya sana po kung para sa inyo ang tatay ko
ay nananaginip lang , sana po huwag na po ninyo siyang gisingin "

Nang marinig ito ng lalaki siya ay napahiya sa bata at siya'y umalis na lang

Ano ang Aral :

Kay Jesus ay may ganap na pagbabago , kaya dapat makita sa atin ang buhay na patotoo.

Purihin ang Diyos.

ANG MAGKAIBIGAN

Pinalad ang dalawang matalik na magkaibigan na maligtas sa isang plane crash ,subalit sila ay napapad sa isang malawak na disyerto.

Habang sila ay naglalakad at naghahanap ng maari nilang matuluyan , sila ay nagtatalo at nagsisisihan tungkol
sa nangyari sa kanila.

Ang kanilang pagtatalo ay naging mainitan hanggang sa ang isa sa magkaibigan ay napikon kaya sinampal niya ng malakas ang kanyang kaibigan.

Ang nasampal na kaibigan ay nagulat at hindi nakakibo kaya siya ay sumulat na lamang sa buhangin ng disyerto at ganito ang kanyang sinulat " Sa araw na ito sinampal ako ng matalik kong kaibigan ".

Nagpatuloy sila ng paglalakad sa gitna ng disyerto ng walang imikan sa isa't isa , hanggang sa hindi inaasahan na makakita sila ng isang Oasis ( tubigan sa gitna ng disyerto na may halaman ).

Ang kaibigan na nanampal ay agad agad na tumalon sa tubigan para maligo subalit ang kanya palang natalunan ay pusali , isang maputik na parang kumunoy.

Dahil dito siya ay unti unting lumulubog , at nakita ito ng kanyang kaibigan na sinamapal niya at siya ay
dali daling tinulungan at sinagip sa pagkakalubog sa pusali.

Pagkatapos niyang mailigtas ang kanyang kaibigan na sumampal sa kaniya sumulat siya ulit , pero ito ay isinulat niya sa isang batuhan at ganito ang kanyang sinulat " Sa araw na ito iniligtas ko ang aking matalik na kaibigan "

Dahil dito nagtanong ang kanyang kaibigan na sumampal sa kanya " Friend , kaninang sinampal kita hindi ka gumanti bagkus sumulat ka lang sa buhangin , ngayon naman iniligtas mo ako sa kapahamakan tapos sumulat ka naman sa bato, Bakit ? "

Sumagot ang kaibigan na sinampal , " Alam mo friend , kapag may mga taong nanakit ng aking damdamin ,sinusulat ko lang ito sa buhangin kasi kapag nahanginan ito agad din na nabubura , pero kapag may mga taong nagawan ko ng mabuti o may ginawang mabuti sa akin isinusulat ko naman ito sa bato para kahit hanginin hindi siya mabubura."

Ano ang aral :

Mas mainam na itanim sa puso ang pagpapatawad kaysa ang galit at sama ng loob.

ANG KARPENTERO

Isang mahusay na karpentero ang plano ng magretiro na dahil na rin sa kanyang katandaan . Kinausap niya ang kanyang boss tungkol sa plano niyang pagreretiro , kailangan na niyang gawin ito para naman makapagsimula siya ng kanyang planong sariling negosyo kasama ang kanyang pamilya.

Subalit ang kanyang boss ay nakiusap sa kanya na huwag muna siyang magreretiro. Hiniling ng kanyang boss na siya muna ang gawing karpentero sa isang proyekto na itatayong dalawang palapag na bahay , dahil dito
pumayag naman ang karpentero.

Bago pasimulan ang proyekto , kinausap ng boss ang karpentero na ayusin ,tibayan at pagandahin ang bahay na itatayo at sabihin kung magkano ang aabutin na mga materyales tungkol sa proyekto at siya na ang bahala.

Subalit dahil parang wala sa loob ng karpentero ang trabahong inatang sa kanya dahil  ang isip niya ay magretiro na at magtatayo na lang siya ng negosyo kasama ang pamilya , hindi niya masyadong inayos ang kanyang trabaho , hindi siya gumamit ng magagandang materyales at hindi niya masyadong ginandahan ang disenyo ng bahay.

Dumating ang panahon na ang bahay ay natapos at ito ay kayang pinaalam sa kanyang boss.
sabi ng karpentero sa kanyang boss , " Sir sa wakas natapos din po ang bahay na ito na ipinagawa nyo sa akin , ayos naman po ang pagkakagawa nito at siguro naman po papayagan na ninyo akong magretiro "  
ang sagot ng kanyang boss " Oo naman po  , katunayan ang bahay na aking ipinagawa sa inyo ay regalo ko sa iyo dahil sa matapat kayong naging empleyado ko , kaya eto na po yung susi sa inyo na po ang bahay na iyan  "

Nang marinig ng karpentero na ang bahay na kanyang ginawa ay para pala sa kanya ,siya ay nanlumo , nalungkot at nanghinayang , dahil kung agad niyang nalaman na ang bahay na ginawa niya ay para sa kanya , ginawa na sana niya itong napakaganda at napakatibay..

Ano ang aral :

Huwag nating sayangin ang magandang pagkakataong ibinigay ng Diyos sa atin , ang pagkakataong mapaglingkuran siya , magamit ang ating mga kakayahan para sa kanya
dahil darating ang panahon lahat ng ating pagpapagal para sa Diyos ay kanyang gagantimpalaan. Purihin ang Panginoon..